Waarom is Afrikaans nie 'n alternatief vir Stadio nie?

Ek glo dis uiters swak van Stadio om met groot geskal op Netwerk24, 'n Afrikaanse kanaal, te adverteer, en wanneer ek op die s***el klik, is alles in Engels! Ek het toe 'n soektog na "Afrikaans" op julle webblad gedoen en GEEN resultate gekry nie. Ons het sewe kleinkinders wat nou begin naderstaan aan tersiêre opleiding en moet help leiding gee oor waar dit kan geskied en wat beskikbaar is, maar Stadio gaan sekerlik nie deel wees daarvan nie. As ek iets het om na te laat vir ons kleinkinders vir hulle verdere studies, sal dit sekerlik spesifiseer dat dit moet wees vir studies in Afrikaans. Tersiêre studies in Afrikaans is sekerlik 'n voordeel, eerder as 'n nadeel, soos soveel van my (en latere) tydgenote bewys het deur uitstekende werk op die internasionale terrein te doen...