Spur Hartenbos

Geagte Bestuurder,

Ek wil graag my ontevredenheid uitspreek oor die diens wat ek en my gaste op my verjaarsdag, Dinsdag 18 Maart 2025, in Spur Hartenbos ervaar het.

Ek het vooraf, die vorige week, persoonlik 'n bespreking vir 14 mense vir ontbyt gemaak. Tot my ongelukkigheid was die bespreking nie op u boeke nie, wat tot verwarring en ongemak vir ons groep gelei het. Daarbenewens was die diens baie teleurstellend. Ons het langer as wat aanvaarbaar is, gewag vir ons kos en daar was geen erkenning of spesiale aandag gegee nie. Ek het gewag dat daar vir my 'n roomys sou wees, soos wat Spur personeel tradisioneel doen vir verjaarsdagvieringe, maar helaas het daar geen gebaar van gelukwensing plaasgevind nie.

As lojale klient wat al vir jare by Spur eet, was ek teleurgesteld in die gebrek aan sorg wat aan hierdie geleentheid gegee is. Ek verstaan dat daar soms foute gemaak word, maar die algehele ervaring het nie voldoen aan die standaard wat ek van Spur verwag nie.

Ek sal dit opreg waardeer indien u hierdie aangeleentheid kan ondersoek en my van die stappe wat u gaan neem om dit in die toekoms te verbeter, kan inlig. Ek hoop dat u terugvoering ontvang wat die kwaliteit van die diens sal verhoog en ander gaste 'n beter ervaring sal bied.

Ek sien uit daarna om u antwoord te ontvang.

Vriendelike groete, Deon Snyman ***