Swak diens by MTN South Africa

Ek het op 6 Junie 2019 'n e-pos gestuur aan *** om te vra of dit moontlik is om 2 profiele te kombineer (merge). Eerstens het die persoon nie my e-pos reg gelees nie en moes ek weer terug e-pos en hulle inlig dat hulle my e-pos behoorlik moet lees. Op 28 Junie het ek nog niks gehoor nadat hulle kastig gesê het die CSV team sal ondersoek instel. Ek het weer e-pos gestuur en gevra wat aangaan. Toe kry ek die volgende boodskap terug: Good day Willie, Thank you for emailing Customer Care. We apologize for the delayed response and any inconvenience incurred. Please be advised that our CVS team has confirm that your request is on a "Conditionally Approved Status". In order to resolved this, you would be required to visit your nearest MTN Store in order to have the application processed successfully. We trust that you find the above in order.

EK het nie verstaam hoekom hulle nou verwys na "Conditionally approved". Ek bly in Steynsrus, 50km van die naaste MTN winkel af. Ek kan nie elke dag ry nie, ek is 'n onderwyser by die skool en het nie tyd om na skool so ver te ry nie. Ons gaan 1 keer 'n maand Kroonstad toe vir ons inkopies en het dan ook nie tyd om te mors nie. Op 2 Augustus het ek toe maar na MTN Kroonstad gegaan. Michael DeGouveia het my gehelp en het my ingelig dat hulle 'n "transfer" kan doen en dit gaan my R170 kos. Na ek amper 2 ure daar was, het Michael my meegedeel dat hulle rekenaarstelsel aflyn is. Ek was bitter ontsteld, want dit was kosbare tyd wat ek gemors het. Michael het gesê ek moet maar die volgende dag weer terug kom. EK het vir hom gesê dat ek nie al die pad weer van Steynsrus af gaan ry nie. Hy het gesê hy sal dit die Saterdag of Maandag doen en vir my die vorms e-pos dan kan ek dit teken en saam met iemand wat Kroonstad toe gaan, stuur. Niks het gebeur nie. Ek wag nou nog. Ek het op 8 Augustus weer vir Michael e-pos gestuur om te vra of hy al my transfer kon doen. Nogsteeds niks gehoor nie. Ek is regtig baie ongelukkig. Ek het 2 ****rakte by MTN. Kon hulle nie sien toe ek my 2de ****rak uitneem dat ek reeds 'n profiel het nie? Hulle kon daar en dan altwee my nommer op 1 profiel Koppel. Die grootste rede hoekom ek hierdie transfer versoek, is omdat slegs een rekening outomaties deur my bank gedebiteer word. Die ander rekening moet ek self betaal. Ek vind dit regtig ONAANVAARBAAR! Ek het juis van Vodacom af oorgekom na MTN, maar nou is hulle diens net so VROT. EK wil ook nie dat iemand my ****ak nie, want ek gaan myself verloor as ek alles WEER moet herhaal. Gaan kyk na die e-posse wat ek gestuur het. My rekeningnommers is A*** ***) A*** ***) EK het gevra dat ek profiel A*** kan behou. EK vertrou MTN sal nou hulle sake in orde kry en my goed nou eens en vir altyd regmaak - SONDER ENIGE KOSTES!!!