Poor service due to the Manager

Ek het my seun vanoggend gestuur na Mr Price Home in die Waterfront, Bloemfontein. Hy moes 'n koffietafel en nog verskeie meubels aldaar vir my koop. My seun het begin by die koffietafel wat op display was. Die verkoopspersoon het hom meegedeel dat hy net wil gaan kyk of daar voorraad beskikbaar is. Hy het terug gekom en gesê dat daar wel voorraad in die stoor is. Die Bestuurder het toe na my seun gestap en gesê dat hy die koffietafel wat op display is moet vat aangesien sy nie enige voorraad uit die stoor gaan uitlaat nie, want sy is besig met voorraadopname. Bygesê die tafel op "Display" is gekrap. My seun het gesê dat hy graag een uit die stoor wil hê, wat onbeskadig is. Sy het met 'n vreeslike houding aan hom gesê dat hy dan maar weer more moet terugkom aangesien sy beslis nie een uit die stoor gaan laat gaan nie. My seun het my gebel en dit meegedeel. Nodeloos om te sê, ek het vir hom gesê hy moet alles los wat ek van plan was om te koop. Ek het toe R46 000,00 by 'n ander winkel bestee. Die Bestuurder kon as sy iets in haar gehad het, die tafel op display, wat beskadig was, teen 'n verminderde prys aangebied het. Ek sou dit dan oorweeg het, en ook die ander meubels by u winkel gekoop het. DALK MOET HULLE OP 'N KENNISGEWING AANDUI OP WELKE DAE HULLE BESIG IS MET VOORRADOPNAME, EN OOK AANDUI DAT DIE KLIëNTE SLEGS DIE MEUBELS OP DISPLAY OP DAARDIE DAG MAG KOOP.