Dental Joy

Nare ervaring

My laerskool dogter was baie bang tydens haar tandheelkundige behandeling en ná ongeveer 45 minute kon die prosedure ongelukkig nie voltooi word nie. Ek verstaan dat dit frustrerend was, veral omdat dit nie die eerste keer was dat die behandeling nie voltooi kon word nie. Wat ek egter onaanvaarbaar gevind het, was die manier waarop daar daarna met my en my dogter gepraat is. My dogter is voor ons gekritiseer omdat sy nie instruksies kon volg nie, en ek is gekritiseer omdat ek nie langs haar gestaan het om haar meer aktief te kalmeer nie. Niemand het tydens die behandeling vir my gesê dat daar van my verwag word om langs haar te staan, haar hand vas te hou of haar meer aktief te help nie. Ek het juis gedink ek moet nie inmeng terwyl die tandarts en assistent besig is nie. Ek het wel vanuit my stoel met haar gepraat, haar aangemoedig en probeer help. Toe die sessie geëindig het, het die tandarts se hele houding teenoor ons verander en het die atmosfeer onmiddellik onaangenaam geword. Dit was ook duidelik dat hy nie weer aan my dogter wou werk nie, en ons het die praktyk verlaat met die gevoel dat ons nie weer welkom was nie. My dogter was baie emosioneel en sigbaar ontsteld. Ek verstaan frustrasie, maar ek glo dit is geen rede om 'n angstige kind en haar ouer op hierdie manier te laat voel nie. Die behandeling wat nie voltooi kon word nie, is nie my klagte nie. Die manier waarop die situasie daarna hanteer is, en die manier waarop ek en my dogter aangespreek is, is wat hierdie ervaring vir my onaanvaarbaar gemaak het. Dit kon met baie meer respek, empatie en professionele kommunikasie hanteer gewees het.