Hellopeter
Share Your Experience
FK
Floris K

1 reviews | Active since Oct 2011

26 Jun 2018, 15:56

BESTMED.... NO, WORSTMED!

BESTMED.... OF WORSTMED??

Ek is reeds vir meer as 'n kwart eeu 'n lid van Bestmed. In hierdie tyd het ek getrou al my bydraes betaal... sonder dat daar groot kostes was wat deur die mediese fonds betaal moes word. Net die gewone goed. Soos verkoues, spierpyne, ens. Alles het dus heel goed gelyk by Bestmed. Tot verlede jaar...

Ek is 'n verlede gelede met kanker gediagnoseer. Hoewel Bestmed by verskeie geleenthede toegegee het dat dit 'n PMB diagnose is (een waar hulle volgens die wette van Suid-Afrika verplig is om die kostes te betaal), weier hulle steeds om 'n groot deel van die werklike kostes te betaal.

Na elke keer wat ek die saak aan hulle verduidelik het, het ek e-pos erkenning van Bestmed gekry dat hulle dit behoort te betaal. Net om later van die finansies afdeling te hoor dat hulle dit nie gaan betaal nie. Nou het ek 'n bewys vir belasting gekry waarop hulle steeds aandui dat hulle nie gaan betaal nie.

Om iemand te kry om die saak persoonlik mee te bespreek, is skynbaar onmoontlik. Dis net die gewone "telephone operators" wat nie weet hoe om met eise vir PMB siektes te werk nie.

Hierbenewens was daar in hospitaal kostes wat hulle nie betaal het nie. Selfs al sê al Bestmed se advertensies dat die plan waarop ek is alle in hospitaal kostes dek. Dit laat my met geen ander opsie as om te glo dat hulle leuenagtig was in hulle reklame en mense mislei nie.

In hierdie stadium laat dit my met geen ander keuse as om die saak op die sosiale media (en ander plekke soos Hellopeter) aan die orde te stel nie. Selfs die saak op te neem met die mediese ombudsman.

Bestmed? Nee, na hierdie ervaring dink ek dalk is 'n meer gepaste naam: Worstmed!

0
Replies (6)
Bestmed Medical Scheme
Bestmed Medical Scheme's reply27 Jun 2018, 08:17
Official

Goeiedag

U word vriendelik versoek om volle detail van u klagte met betrekking tot die betrokke eise, ensovoorts deur te stuur na *** vir ondersoek en hantering deur een van ons Senior Eskalasie-beamptes.

Vriendelike groete.

Bestmed

FK
Floris K's update10 Jul 2018, 12:30
Reviewer Update
Bestmed het my persoonlik ge****ak. (+ 10 Cudos vir hulle) Persoon met wie ek gepraat het, het duidelik niks geweet van my situasie of enige van die vorige korrespondensie van my kant af gelees nie. Net soos die vorige kere. (- 20 Cudos) Volgende het hulle laat weet dat die volle rekening (ongeveer R17,000.00) betaal sal word omdat dit 'n PMB geval is. En my laat wonder of ek dalk verkeerd was. Dag daarna van hulle finansiële afdeling af kennis gekry dat hulle 'n volle R60.00 gaan betaal. (- 20 Cudos omdat presies dieselfde is wat elke keer tevore gebeur het.) Ek het reeds 3 keer tevore gevra dat hulle my hele rekening by hulle moes oudit en vir my presies sê wat betaal is, wat nie en hoekom nie. Dis 6 maande later en ek het nog steeds niks van hulle ontvang nie. Byna asof hulle nie die inligting vir my wil gee nie. (- 20 Cudos.) Oor in hospitaal kostes het die dame gesê dat die "graft" wat as eis onder prostesis hanteer is dalk foutief was. Maar dat hulle dit sal verwys na ander afdeling vir verdere ondersoek. EN nog geen teregvoer van enigiemand gekry. (- 10 Cudos). Bestmed... jammer maar ek moet steeds sê: WORSTMED!
Bestmed Medical Scheme
Bestmed Medical Scheme's reply10 Jul 2018, 12:52
Official

Goeiedag

Kan u asseblief u volle Bestmed-besonderhede stuur na *** tesame met 'n kopie van hierdie klagte vir ondersoek deur een van ons Eskalasie-agente.

Vriendelike groete

Bestmed

FK
Floris K's update18 Aug 2018, 11:29
Reviewer Update
Die probleem is uiteindelik (na 14 maande) uitgesorteer! Volledig. Plus 20 cudos vir Bestmed. Skynbaar was die haakplek die feit dat 4 vers****ende afdeling (eise afdeling + PMB afdeling + escalations afdeling + finansies afdeling) betrokke was en nie onderling goed met mekaar kommunikeer nie. En ek gereken het dis goed genoeg om net met een afdeling te kommunikeer. My raad vir ander: volg herhaaldleik op deur met alle afdelings te kommunikkeer. As ek dit vroeër gedoen het, sou dit ook die proses bespoedig het. En van my kant af: Dankie aan Bestmed dat julle dit uitgesorteer het. Bestmed of Worstmed? Wel, nou kan ek weer met gemak sê: Bestmed!
FK
Floris K's update28 Aug 2018, 15:50
Reviewer Update
Tien dae later en hier gaan ons weer... BESTMED TERUG NA WORSTMED Na die vorige rekening vir die PMB kondisie deur Bestmed betaal is, kry ek ‘n versoek van Mary Mokone: “Kindly assist with confirming which account is still outstanding, by practice number of doctors and service dates, so that we can assist.” En ek doen presies wat sy vra. Ek stuur dit met die faktuur van Clinton Hospitaal (waar die operasie a.g.v. die PMB toestand plaasgevind het PLUS die skrywe dat ek oorhandig word vir vervolging omdat dit nie betaal is nie) aangeheg. Hopende dat hulle nou (nadat ek hierdie spesifieke onbetaalde rekening al 3 maal onder hulle aandag gebring het) iets daaraan sal doen. Maar raai wat? Ek word weer eens daarop gewys dat hierdie in-hopitaal koste afgekeur is. EN date k ‘n ander afdeling moet ****ak om uit te vindhoekom. Terwyl ek weet dat koste afgekeur is omdat die onkoste vir ‘n prostese (wat ek glad nie gekry het nie!) te hoog was. Dus: hosiptaalkostes word nie ten volle gedek soos Bestmed se reklame sê nie PLUS die persone wat jou moet help, lees nie ‘n woord van jou vorige korrespondensie nie PLUS al wat hulle doen is “pass the buck”. En nou gaan ons weer in dieselfde “loop” van tevore in: een verwysing na die ander… en dan na nog een. Sonder dat een die vorige korrespondensie lees nie. En wat net duidelik bewys dat die versoek wat ek al 3 keer aan Bestmed gerig het (naamlik dat die volledige rekening vir die PMB toestand ge-oudit moet word) steeds geïgnoreer word. SO: Bestmed is in my evaluasie weer terug na WORSTMED.
Bestmed Medical Scheme
Bestmed Medical Scheme's reply29 Aug 2018, 08:12
Official

Goeiedag mnr Knouwds

Bestmed het reeds u e-pos gister deur middel van *** ontvang en sal vir u terugvoer gee sodra ons die saak volledig ondersoek het.

Vriendelike groete.

Bestmed