ABSA = BEDROG

Ek het 'n aparte Dt en Kt kaart rekening by Absa. Ek betaal ook vir Sms boodskappe as daar 'n transaksie op my Dt kaart gedoen word. Dieselfde geval het vantevore ook gebeur waar ek my Dt kaart aanbied vir betaling en dan later uitvind die transaksie geld was uit my Kt kaart rekening betaal. As pensionaries wil ek my Kt kaart nooit of so min moontlik gebruik.

Onlangs wou ek klagtes oor Absa bank laat reg maak by Porterville tak. Ek het 'n afspraak gemaak om 'n konsultant te sien om probleme op te los. Toe ek die bank besoek, nadat ek 'n halfuur moes wag, kon die konsultant my nie help nie want ek moes in die ry gaan staan om my bankstaat te trek, omdat die konsultant dit kastig nie kon doen nie! Wat was dan die doel van my afspraak? Ek was ook deur die konsultant meegedeel dat sy dieselfde probleem met haar Dt en Kt kaart het. Ek het my vervies vir sulke tipe diens en die bank verlaat en later na die Vredendal tak gegaan waar alles reggestel was. Intussen, voordat Dt en Kt kaart koppeling reggemaak was, gooi ek brandstof in en doen ander transaksies waar ek gevra word Dt of Kt kaart rekening? Wanneer my maandstate kom dan verskyn die ongemagtigde transaksies op my Kt kaart staat. Laasgenoemde is onaanvaarbaar en ontoelaatbaar daar ek nou met oor die R8 000 se skuld op my Kt kaart rekening sit waarvoor ek nie begroot het nie en onbewus was van omdat Smse op my Kt kaart nie ontvang word nie!! Ek weier om hierdie geld te betaal en as dit nie afgeskryf word nie, sal ek van bank moet verander!! Intussen was die kaarte weer apart geaktiveer soos wat dit al die jare was en ondervind ek tans geen probleme. Kt kaart rente is enorm by Absa en nou wonder ek hoeveel onregmatige rentes verdien Absa nie op so 'n wyse nie!! Hoeveel rente gaan ek op R8 000 moet betaal voordat my Kt kaart rekening eendag afbetaal is en daarom my versoek dat hierdie rekening afgeskryf word! Absa het reeds derduisende uit my verdien die afgelope 60 jaar??